హైదరాబాద్లోని ఆటో డ్రైవర్లకు సొంతింటి కలను నెరవేర్చేందుకు తెలంగాణ సర్కార్ చర్యలు చేపట్టింది. ఇందిరమ్మ ఇళ్ల పథకంలో భాగంగా తొలి విడతలో 2 వేల ఎల్ఐజీ ఫ్లాట్లను నిర్మించనుంది. సుమారు రూ.220 కోట్లతో మొత్తం 4 ప్రాంతాల్లో 500 చొప్పున మొత్తం 2 వేల ఇళ్లను నిర్మించనున్నారు. తెలంగాణ హౌసింగ్ బోర్డు ఆధ్వర్యంలో నిర్మాణాలు చేపట్టనుండగా.. ఇప్పటికే క్యూర్ పరిధిలోని ఇందిరమ్మ టవర్ల పథకానికి ఉన్న అర్హతలు, విధివిధానాలే వీటికి వర్తిస్తాయి. అర్హులైన ఆటో డ్రైవర్లకు పారదర్శకంగా ఫ్లాట్లు కేటాయించాలని ప్రభుత్వం భావిస్తోంది.