అధికారులకు రూ.లక్షల్లో లంచాలు ముట్టజెబుతూ ఓ మిల్లర్ ఏకంగా రూ.16.53 కోట్ల విలువైన ధాన్యాన్ని సీఎంఆర్ పేరిట ప్రభుత్వానికి ఎగ్గొట్టాడు. కమలాపూర్, న్యూస్టుడే: అధికారులకు రూ.లక్షల్లో లంచాలు ముట్టజెబుతూ ఓ మిల్లర్ ఏకంగా రూ.16.53 కోట్ల విలువైన ధాన్యాన్ని సీఎంఆర్ పేరిట ప్రభుత్వానికి ఎగ్గొట్టాడు. కమలాపూర్-పంగిడిపల్లి రహదారిలోని సాంబశివ మినీ మోడ్రన్ రైస్మిల్లు యజమాని బెజ్జంకి శ్రీనివాస్ కస్టమ్స్ మిల్లింగ్ రైస్ (సీఎంఆర్)లో భాగంగా ఒప్పందం చేసుకుని బియ్యాన్ని పూర్తిగా అప్పగించకపోవడంతోపాటు ధాన్యం నిల్వలు సైతం చూపించలేదు. 2022-23, 2024-25 సంవత్సరాల్లో శ్రీనివాస్కు చెందిన రైస్మిల్లుకు 5,812.680 మెట్రిక్ టన్నుల ధాన్యాన్ని సీఎంఆర్ కోసం అప్పగించారు.