ఆదర్శ పాఠశాల విద్యార్థినులు చదువుతోపాటు సాహిత్యంపై ఆసక్తి పెంచుకున్నారు. సామాజిక అంశాలను కథాంశంగా తీసుకుని భావితరాల్లో చైతన్యం కలిగించే విధంగా కథలు, కవితలు రాస్తున్నారు. లింగాలఘనపురం, న్యూస్టుడే: ఆదర్శ పాఠశాల విద్యార్థినులు చదువుతోపాటు సాహిత్యంపై ఆసక్తి పెంచుకున్నారు. రాష్ట్ర స్థాయిలో బహుమతులు సాధిస్తూ అటు ఉపాధ్యాయులు, ఇటు తల్లిదండ్రులు, గ్రామస్థుల అభినందనలు అందుకుని ఆదర్శంగా నిలుస్తున్నారు. శనివారం బాలల దినోత్సవాన్ని పురస్కరించుకుని వారిపై న్యూస్టుడే అందిస్తున్న కథనం ఇలా.. కొత్తపల్లి గ్రామానికి చెందిన విద్యార్థిని కేమిడి రుక్మిణి.. లింగాలఘనపురం ఆదర్శ పాఠశాలలో 8వ తరగతి చదువుతోంది. వేసవి సెలవుల్లో రాసిన వ్యాసానికి మొలక పత్రిక నిర్వాహకుల నుంచి బహుమతి గెలుచుకుంది.