సాధారణంగా డైరెక్టర్ శేఖర్ కమ్ముల తన సినిమాల గురించి తప్పితే ఇతర సినిమాల గురించి పెద్దగా మాట్లాడరు. అయితే తాజాగా ఆయన ఓ తెలుగు సినిమా గురించి గొప్పగా మాట్లాడారు. ఈ సినిమా ఎంతో ఆహ్లాదకరంగా అనిపించిందని, ఈ చిత్రం గొప్ప విజయం సాధిస్తుందని ఆకాంక్షించారు. యువన్కృష్ణ ఎంటర్టైన్మెంట్స్, మనస్విని భాగ్యరాజ సమర్పణలో కార్తీక్ భాగ్యరాజ రచన, దర్శకత్వంలో రూపొందిన చిత్రం ‘డియర్ ఆస్ట్రోనాట్’. ఈ చిత్రంలో సౌమిత్, శ్రేయసి సేన్, గౌతమ్ వాసుదేవ్ మీనన్, కమల్ కామరాజు, గీతా భాస్కర్, చైత్ర ముఖ్య పాత్రలను పోషించారు. ఈ మూవీని నవంబర్ 20న విడుదల చేయనున్నారు.