ટ્રસ્ટ દ્વારા છેલ્લા દસ મહિનાથી વૃદ્ધોને દરરોજ સવારે અને સાંજે બે સમયનું ગરમાગરમ ભોજન ટિફિન મારફતે ઘર સુધી પહોંચાડવામાં આવે છે. ચરોતરનું પેરિસ ગણાતા ધર્મજ ગામમાં માનવતાની મહેક ફેલાવતી અનોખી સેવા ચાલી રહી છે. ગામના અનેક પરિવારોના સંતાનો અભ્યાસ કે રોજગારી માટે વિદેશમાં સ્થાયી થયા છે, ત્યારે ગામમાં એકલા રહેતા અને વૃદ્ધાવસ્થામાં જીવન વિતાવતા વડીલોની સંભાળ માટે વારાહીમાતા ટ્રસ્ટ આગળ આવ્યું છે.