અમદાવાદના શીલજ સર્કલ પાસે થયેલા હિટ એન્ડ રન કેસમાં પોલીસે ધારાસભ્ય દિનેશ કુશવાહાના ભત્રીજા રાઘવેન્દ્ર કુશવાહાને ઝડપી પાડ્યો હતો. 11 નવેમ્બરની રાત્રે આરોપી રાઘવેન્દ્ર પોતાની લક્ઝુરીયસ રેન્જ રોવર કાર લઈને મિત્રો સાથે રાંચરડા તરફથી આવી રહ્યો હતો. ત્યારે જ શીલજ સર્કલ પાસે પ્રદીપ ડોડવાલ નામના રેપિડો ચાલક અને તેની પાછળ બેઠેલા હર્ષદ પુરબિયાને ટક્કર મારી હતી. અકસ્માતને અંજામ આરોપી રાઘવેન્દ્ર કુશવાહા સ્થળ પરથી ફરાર થઈ ગયો હતો.