फुजैराह; वृत्तसंस्था : संयुक्त अरब अमिरातीतील (यूएई) फुजैराह येथे गुरुवारी मध्यरात्री भीषण अपघात झाला. भरधाव ट्रकवरील चालकाचे नियंत्रण सुटल्याने ट्रकने तब्बल २३ वाहनांना धडक दिली. या अपघातात तीन भारतीयांसह १४ जणांचा मृत्यू झाला, तर ३० जण जखमी झाले आहेत. मृत भारतीय केरळममधील मलप्पुरम जिल्ह्यातील एकाच कुटुंबातील होते. त्यात जुळ्या भाऊ-बहिणीचाही समावेश आहे..धडकेनंतर अनेक वाहनांनी पेट घेतला. आगीत काही मृतदेह पूर्णपणे जळाल्याने मृतांची ओळख पटविण्यासाठी डीएनए चाचणी केली जात आहे.