Mantralaya Employee Strike : प्रलंबित मागण्यांकडे शासनाचे सातत्याने दुर्लक्ष होत असल्याचा आरोप करत मंत्रालय कर्मचारी संघटनेने पदनाम बदल आणि S-10 वेतनश्रेणीसाठी बेमुदत कामबंद आंदोलनाचा इशारा दिला आहे. मुंबई : महाराष्ट्र शासनाच्या प्रशासकीय यंत्रणेचा कणा मानल्या जाणाऱ्या मंत्रालयीन लिपिक संवर्गाच्या प्रलंबित मागण्यांकडे सरकारकडून सातत्याने दुर्लक्ष केले जात आहे. याविरोधात आता मंत्रालय कर्मचारी संघटनेने निर्णायक लढ्याची भूमिका घेतली असून शासनाविरोधात एल्गार पुकारला आहे.