Guntur: కేంద్ర సహాయ మంత్రి పెమ్మసాని చంద్రశేఖర్ ప్రత్యేక చొరవతో గుంటూరులోని డా. బి.ఆర్. అంబేద్కర్ స్టడీ సర్కిల్ రెండో అంతస్తు నిర్మాణానికి రూ.4 కోట్లు మంజూరయ్యాయి. గుంటూరు: గ్రామీణ అభివృద్ధి కమ్యూనికేషన్స్ శాఖ కేంద్ర సహాయ మంత్రి డాక్టర్ పెమ్మసాని చంద్రశేఖర్ ప్రత్యేక చొరవతో గుంటూరులోని డా. అంబేద్కర్ స్టడీ సర్కిల్ ఆధునిక సదుపాయాలతో త్వరలోనే అందుబాటులోకి రానుంది. పెమ్మసాని రాష్ట్ర ప్రభుత్వానికి చేసిన ప్రతిపాదనలకు స్పందిస్తూ.. అదనపు వసతుల కల్పనకుగానూ ప్రభుత్వం రూ.4 కోట్ల నిధులు మంజూరు చేస్తూ పరిపాలనా ఆమోదం తెలుపుతూ ఉత్తర్వులను శుక్రవారం విడుదల చేసింది.