वसई-विरारमध्ये खड्डे, उघड्या चेंबरची समस्या.वसई, ता. १३ (बातमीदार) : वसई-विरार महापालिका क्षेत्रात विकासकामांच्या नावाखाली रस्त्यांची खोदकामे केली जात असली, तरी कामे पूर्ण झाल्यानंतर रस्त्यांची पूर्ववत दुरुस्ती करण्याकडे दुर्लक्ष होत असल्याचे चित्र आहे. रस्त्यांवरील खड्डे, तुटलेली चेंबर आणि कामानंतर साचलेली माती यामुळे वाहनचालकांना जीव मुठीत धरून प्रवास करावा लागत आहे. प्रशासनाच्या दुर्लक्षामुळे अपघातांचा धोका वाढला आहे.नालासोपारा पूर्वेकडील आचोळे रस्त्यावर पडलेल्या खड्ड्यांमुळे अपघात होऊ नये, यासाठी स्थानिकांनी काठीला झेंडा बांधून धोक्याची सूचना केली आहे.