బాపట్ల జిల్లా పర్చూరు మండలం గార్నెపూడి గ్రామంలో మొసలి కలకలం సృష్టించింది. సుమారు నాలుగు అడుగుల పొడవున్న మొసలి గ్రామంలోని మంచినీటి చెరువులో కనిపించడంతో స్థానికులు ఆందోళన చెందుతున్నారు. అధికారులు గ్రామంలో దండోరా వేయించి ప్రజలను అప్రమత్తం చేశారు. పశువులు, గొర్రెల కాపరులు చెరువు వైపు వెళ్లవద్దని సూచించారు. అటవీశాఖ అధికారులకు సమాచారం అందించారు. వరద నీటితో మొసలి వచ్చి ఉండవచ్చని అధికారులు భావిస్తున్నారు.