Assam Accident News : આસામમાં ટ્રક અને ટ્રાવેલર વચ્ચે ભયંકર અકસ્માતમાં ઓછામાં ઓછા 12 લોકોના કરૂણ મોત થયા છે. પ્રાપ્ત માહિતી મુજબ આસામના ગોલાઘાટ જિલ્લામાં એનએચ-27 પર એક ટ્રાવેલર વાહન અને ટ્રક વચ્ચે અથડામણમાં ઓછામાં ઓછા 12 લોકોના મોત થયા છે. પેસેન્જર વાહનમાં સવાર મોટાભાગના મુસાફરો કોલેજના વિદ્યાર્થીઓ હતા. ટ્રાવેલર સાથે ટકરાયેલી ટ્રકનો રજિસ્ટ્રેશન નંબર કર્ણાટક છે. પીટીઆઈના અહેવાલ મુજબ આ અકસ્માત કાઝીરંગા વિસ્તારમાં થયો હતો.