Assam Accident: આસામના કાઝીરંગામાં બસ અને ટ્રક વચ્ચે થયેલી ભયાનક ટક્કરમાં 23 લોકોના મોત થયા છે. પોલીસે અકસ્માતની પુષ્ટી કરી છે. ગોલાઘાટ જિલ્લા કમિશનર બિશ્વજીત ફુકને જણાવ્યું હતું કે આસામના ગોલાઘાટ જિલ્લાના કાઝીરંગા નજીક રોંગાઝાન વિસ્તારમાં થયેલા અકસ્માતમાં અનેક લોકોના મોત થયા છે અને અનેક લોકો ઘાયલ થયા છે. તેમણે ANIને જણાવ્યું હતું કે ઘાયલોને નજીકની હોસ્પિટલમાં લઈ જવામાં આવ્યા છે. વધુ માહિતીની રાહ જોવાઈ રહી છે.