मंत्री संजय शिरसाट यांच्या घरावर हल्ला झाला. यावरून गृहविभागाचे धिंडवडे निघाल्याची टीका रोहित पवार यांनी केली. छत्रपती संभाजीनगरमध्ये मंत्री संजय शिरसाट यांच्या घरावर हल्ला झाल्याने एकच खळबळ उडाली आहे. घरावर मध्यरात्री हल्ला झाल्याने मंत्री संजय शिरसाट यांनी पोलिसांवर एकच संताप व्यक्त केला. आता या प्रकरणात तीन आरोपींना अटक केली आहे. या तिघांवर गुन्हा देखील दाखल करण्यात आला आहे. मंत्रिपद असलेल्या संजय शिरसाट यांच्या घरावरच हल्ला झाल्याने अनेक प्रश्न उपस्थित करण्यात येत आहे.