కాకినాడ జిల్లా దుర్గాడ పంచాయతీలో సర్పంచి పదవికి బహిరంగ వేలం నిర్వహించడం చర్చనీయాంశంగా మారింది. ముగ్గురు పాల్గొన్న ఈ వేలంలో ఓ వ్యక్తి ఏకంగా రూ.1.20 కోట్లకు పదవిని దక్కించుకున్నట్లు సమాచారం. వేలం ద్వారా వచ్చిన మొత్తాన్ని ఆలయాల అభివృద్ధికి వినియోగించాలని గ్రామ పెద్దలు నిర్ణయించారు. సర్పంచి ఎన్నికల్లో పోటీ చేయాలంటే ప్రచారం చేయాలి.. కానీ ఈ గ్రామంలో మాత్రం సీన్ రివర్స్. సర్పంచి పదవికి ఏకంగా బహిరంగ వేలం నిర్వహించారు. చివరకు ఓ వ్యక్తి రూ.1.20 కోట్లు చెల్లించేందుకు ముందుకు వచ్చి సర్పంచి పదవిని దక్కించుకున్నట్లు సమాచారం. ఈ వింత వ్యవహారం ఇప్పుడు కాకినాడ జిల్లాలో చర్చనీయాంశంగా మారింది.