బంగాళాఖాతంలో అల్పపీడనంతో ఏపీకి మరో తుఫాను ముప్పు పొంచి ఉంది. నవంబర్ 13న అల్పపీడనం ఏర్పడి, 14, 15 తేదీల్లో బలపడే అవకాశం ఉంది. మత్స్యకారులు వేటకు వెళ్లవద్దని హెచ్చరికలు జారీ చేశారు. మరోవైపు, తెలంగాణలో చలి తీవ్రత పెరుగుతుండగా, ఢిల్లీలో వాయు కాలుష్యం ప్రమాదకర స్థాయికి చేరింది. బంగాళాఖాతంలో ఏర్పడిన ఉపరితల ఆవర్తనం ఆంధ్రప్రదేశ్కు మరో తుఫాను ముప్పును సూచిస్తోంది. దక్షిణ అండమాన్ సముద్రంలో ఏర్పడిన ఈ ఆవర్తనం నవంబర్ 13న అల్పపీడనంగా మారబోతోందని, ఆ తర్వాతి 24 గంటల్లో అది మరింత బలపడే అవకాశం ఉందని విపత్తుల నిర్వహణ సంస్థ తెలిపింది.