பிகாரின் முசாஃபர்பூரில் 10 வயது தலித் சிறுமி ஒருவர் பாலியல் வன்கொடுமை செய்யப்பட்ட சம்பவம் தற்போது வெளிச்சத்துக்கு வந்துள்ளது. பாட்னாவில் சிகிச்சையின் போது அச்சிறுமி உயிரிழந்தார். சிகிச்சையில் அலட்சியமாக இருந்ததாலேயே சிறுமி உயிரிழந்ததாக, பாட்னா மருத்துவக் கல்லூரி மருத்துவமனை நிர்வாகத்தின் மீது சிறுமியின் குடும்பத்தினர் குற்றம் சாட்டியுள்ளனர். ஆனால், சிறுமியை காப்பாற்ற தங்களால் முடிந்த அனைத்தையும் செய்ததாக மருத்துவமனை நிர்வாகம் கூறியுள்ளது. "மருத்துவமனைகளிலேயே குழப்பம் எனும்போது மருத்துவமனை எனும் பெயரில் கட்டடங்கள் கட்டி என்ன பயன்" என, எதிர்க்கட்சியான ராஷ்டிரிய ஜனதா தளம் குற்றம் சாட்டியுள்ளது. இந்த சம்பவம் குறித்து தாமாக முன்வந்து விசாரணையை தொடங்கியுள்ளது தேசிய மகளிர் ஆணையம்.