CP Mahesh Bhagwat: తనకు హైదరాబాద్ నగరంలో పనిచేసిన సుదీర్ఘ అనుభవం ఉందని హైదరాబాద్ సీపీగా మహేష్ భగవత్ గుర్తుచేశారు. 2004లో సౌత్ జోన్ డీసీపీగా, 2010లో జాయింట్ సీపీ అడ్మిన్గా, అలాగే జాయింట్ సీపీ స్పెషల్ బ్రాంచ్గా బాధ్యతలు నిర్వర్తించినట్లు తెలిపారు. అప్పట్నుంచీ నగరంలోనే వివిధ హోదాల్లో సేవలు అందించానని వివరించారు. నగర నూతన సీపీగా బాధ్యతలు స్వీకరించిన సందర్భంగా ఆయన మాట్లాడారు. కోర్ అర్బన్ రీజియన్ ఏర్పడటంతో నగర పోలీసు కమిషనరేట్ పరిధి మరింత పెరిగిందని, కొత్త జోన్లు కూడా వచ్చాయని తెలిపారు. శాంతిభద్రతల పరిరక్షణే తమ మొదటి ప్రాధాన్యత అని స్పష్టం చేశారు.