చెన్నైకి చెందిన ఐదుగురు కాగ్నిజెంట్ ఐటీ ఉద్యోగులు తమ వారాంతాలను సేవా కార్యక్రమాలకు అంకితం చేస్తూ అందరికీ ఆదర్శంగా నిలుస్తున్నారు. 2020లో కరోనా సమయంలో ప్రారంభమైన వీరి సేవా ప్రయాణం ఇప్పటికీ కొనసాగుతోంది. వృద్ధాశ్రమాలు, అనాథ పిల్లల సంరక్షణ కేంద్రాలకు స్వయంగా వంట చేసి భోజనం వడ్డిస్తున్నారు. ఇప్పటివరకు 88 సార్లు భోజన కార్యక్రమాలు నిర్వహించి, దాదాపు 200 మంది దాతల సహకారాన్ని పొందారు. ఒక్కో కార్యక్రమంలో సుమారు 200 మందికి ఆహారం అందిస్తున్నారు. ఉద్యోగ బాధ్యతలతో పాటు సమాజ సేవకు సమయం కేటాయిస్తున్న ఈ ఐదుగురి మంచి మనసు అందరి ప్రశంసలు అందుకుంటోంది..