சூரசம்ஹாரம், முகூர்த்த தினத்தை முன்னிட்டு 1,700-க்கும் அதிகமான சிறப்புப் பேருந்துகளை அறிவித்தது தமிழக அரசு. முகூர்த்தம், வார இறுதி நாட்கள் மற்றும் சூரசம்ஹாரத்தை முன்னிட்டு சிறப்பு பேருந்துகள் இயக்கப்படும் என்று போக்குவரத்துறை தெரிவித்துள்ளது. இதுதொடர்பாக அரசு விரைவுப் போக்குவரத்துக் கழக மேலாண் இயக்குநர் வெளியிட்டுள்ள செய்திக்குறிப்பில் கூறியிருப்பதாவது: 13/11/2026 (வெள்ளிக்கிழமை முகூர்த்தம் 14/11/2026 (சனிக்கிழமை) மற்றும் 15/11/2026 (ஞாயிற்றுக்கிழமை சூரசம்ஹாரம்) மற்றும் வார விடுமுறை நாட்களை முன்னிட்டு சென்னையிலிருந்து இதர இடங்களுக்கும் மற்றும் பிற இடங்களிலிருந்தும் கூடுதலான பயணிகள் தமிழ்நாடு முழுவதும் பயணம் மேற்கொள்வார்கள் என எதிர்பார்க்கப்படுகிறது.