తెలంగాణ యువత సివిల్ సర్వీసెస్లో అత్యధిక సంఖ్యలో విజయం సాధించాలనే లక్ష్యంతో రాష్ట్ర ప్రభుత్వం, సింగరేణి సంస్థ సంయుక్తంగా అమలు చేస్తున్న ‘రాజీవ్ గాంధీ సివిల్స్ అభయహస్తం’ పథకం మరోసారి సత్ఫలితాలను అందించింది. ఇటీవల విడుదలైన సివిల్స్ మెయిన్స్ ఫలితాల్లో 31 మంది తెలంగాణ అభ్యర్థులు ఉత్తీర్ణత సాధించి తుది ఇంటర్వ్యూకు అర్హత సాధించారు. సింగరేణి సంస్థ గత రెండేళ్లుగా తన కార్పొరేట్ సామాజిక బాధ్యత (CSR) నిధుల నుంచి ఈ పథకానికి ఆర్థిక సహకారం అందిస్తోంది..