చంద్రబాబు ప్రభుత్వం గొప్పలు చెప్పుకుంటున్న అభివృద్ధి ప్రచారానికి, రాష్ట్రంలోని వాస్తవ ఆర్థిక పరిస్థితులకు ఎక్కడా పొంతన లేదని వైఎస్ జగన్ తీవ్రస్థాయిలో విమర్శించారు. కూటమి ప్రభుత్వ హయాంలో రాష్ట్రంలో మునుపెన్నడూ లేనివిధంగా అవినీతి, అరాచకాలు పెరిగిపోయాయని, శాంతిభద్రతలు పూర్తిగా క్షీణించాయని ఆరోపించారు. ప్రభుత్వ వైఫల్యాలను కప్పిపుచ్చుకోవడానికే ఆర్థిక వ్యవస్థ వేగంగా అభివృద్ధి చెందుతోందని తప్పుడు ప్రచారానికి తెరలేపారని మండిపడ్డారు. రాష్ట్ర ఆర్థిక వ్యవస్థ తీవ్ర ఇబ్బందుల్లో ఉందనడానికి విద్యుత్ డిమాండ్ తగ్గుదల స్పష్టమైన నిదర్శనమని జగన్ పేర్కొన్నారు..