पालघर, ता. १२ : क्रांतिसूर्य भगवान बिरसा मुंडा यांच्या १५१ व्या जयंतीनिमित्त पालघर जिल्ह्यात १८ नोव्हेंबरपर्यंत ‘जनजाती गौरव सेवा सप्ताह’ आयोजित करण्यात आला आहे. आदिवासी समाजाचा सामाजिक, आर्थिक, शैक्षणिक व सांस्कृतिक विकास साधण्यासह शासकीय योजनांचा लाभ तळागाळातील नागरिकांपर्यंत पोहोचविणे, हा या उपक्रमाचा मुख्य उद्देश आहे..जिल्हाधिकारी डॉ. इंदुराणी जाखड यांच्या मार्गदर्शनाखाली एकात्मिक आदिवासी विकास प्रकल्प, जव्हार व डहाणू तसेच जिल्हा प्रशासनाच्या समन्वयातून हा उपक्रम राबविण्यात येत आहे.