இந்தியாவின் மிகப்பெரிய வணிகக் குழுமமான டாடாவில் நிலவி வரும் மோதல் முடிவுக்கு வந்ததாகத் தெரியவில்லை. டாடா சன்ஸ் குழுமத் தலைவரின் பதவிக் காலத்தை நீட்டிக்க இயக்குநர்கள் வாக்களித்தபோது, வியாழக்கிழமை இந்த மோதல் மேலும் தீவிரமடைந்தது. இதற்கிடையில், அந்தக் குழுமத்தின் மிகப்பெரிய பங்குதாரர் இந்த வாக்கெடுப்பு செல்லாது என்று அறிவித்துள்ளார். சர்ச்சைக்குரிய இந்த வாரியக் கூட்டத்தில், டாடா சன்ஸின் பங்குச்சந்தை பட்டியலிடலுக்கான தயாரிப்புகளுக்கு இயக்குநர்கள் ஒப்புதல் அளித்தனர். டாடா டிரஸ்ட்ஸின் தலைவராக நோயல் டாடா உள்ளார். டாடா குழுமத்தின் ஹோல்டிங் நிறுவனமான டாடா சன்ஸில், டாடா டிரஸ்ட்ஸ் சுமார் 66 சதவிகித பங்குகளைக் கொண்டுள்ளது.