नवी दिल्ली sewer दिल्लीतील नांगलोई विहार परिसरातील दास गार्डन कॉलनीमध्ये उघड्या सीवरमध्ये पडून चार वर्षांचा चिमुकला बेपत्ता झाला आहे. या घटनेची माहिती मिळताच राष्ट्रीय आपत्ती प्रतिसाद दल (NDRF), दिल्ली अग्निशमन दल, दिल्ली पोलीस आणि दिल्ली आपत्ती व्यवस्थापन प्राधिकरणाच्या (DDMA) पथकांनी घटनास्थळी धाव घेत बचावकार्य सुरू केले. मात्र, बराच वेळ शोध घेऊनही मुलाचा ठावठिकाणा लागलेला नव्हता. या घटनेमुळे कुटुंबीयांना मोठा मानसिक धक्का बसला असून त्यांची चिंता वाढली आहे.