అడవి ఏనుగు ఎదురుపడితే ఎంతటి ప్రమాదం ఉంటుందో ప్రత్యేకంగా చెప్పాల్సిన అవసరం లేదు. అలాంటిది ఓ భారీ ఏనుగు ఏకంగా బైకర్పై రెండుసార్లు కాళ్లు వేసి తొక్కింది. అయినప్పటికీ ఆ వ్యక్తి ప్రాణాలతో బయటపడటం అందరినీ ఆశ్చర్యానికి గురిచేస్తోంది. ఉత్తరాఖండ్లోని హరిద్వార్-డెహ్రాడూన్ జాతీయ రహదారిపై జరిగిన ఈ భయానక ఘటనకు సంబంధించిన వీడియో ప్రస్తుతం సోషల్ మీడియాలో వైరల్గా మారింది. గురువారం (నవంబర్ 12) తెల్లవారుజామున సుమారు 4 గంటల సమయంలో నేపాలీ ఫామ్ సమీపంలో ఓ బైకర్ హైవేపై ప్రయాణిస్తున్నాడు. అదే సమయంలో రోడ్డుపైకి వచ్చిన అడవి ఏనుగు అతడికి ఎదురుపడింది.