સુરતના લસકાણામાં ચકચારી હત્યાનો ભેદ ઉકેલાયો હતો. યુવકની હત્યાના આરોપમાં તેની પત્ની અને સગા ભાઈની ધરપકડ કરવામાં આવી હતી. લસકાણા DGVCL BRTS બસ સ્ટેન્ડ સામે સર્વિસ રોડ પરથી અમરબાબુ નિષાદનો મૃતદેહ મળી આવ્યો હતો. દોરી કે વાયર વડે ગળું દબાવી તેની હત્યા કરી હોવાનો ઘટસ્ફોટ થયો હતો. ઘટનાની તપાસમાં લસકાણા પોલીસે ગણતરીના કલાકોમાં જ ભેદ ઉકેલી મૃતકની પત્ની રીનાદેવી અને તેના દિયર શિવબાબુ નિષાદને ઝડપી પાડ્યા હતા.