తెలిసిన వారే కదా అని కారు అద్దెకు ఇప్పిచ్చిన పాపానికి.. ఓ వ్యక్తి ప్రాణాలే కోల్పోవాల్సి వచ్చింది. ఇద్దరి మధ్య నెలకొన్న గొడవను పరిష్కరించేందుకు మధ్యవర్తిగా వ్యవహరించిన వ్యక్తినే పక్కా ప్రణాళికతో హత్య చేసిన ఘటన చిత్తూరు జిల్లాలోని కార్వేటినగరంలో కలకలం రేపింది. హత్య చేసి రోడ్డు ప్రమాదంగా చిత్రీకరించేందుకు నిందితులు ప్రయత్నించగా.. పోలీసుల విచారణలో అసలు విషయం వెలుగులోకి వచ్చింది. చిత్తూరు జిల్లా కార్వేటినగరంలో మధ్యవర్తిత్వం మర్డర్ కు కారణమైంది. ఒక కారు పంచాయతీ హత్యకు ప్లాన్ చేసింది. పక్కా ప్లాన్ తో మర్డర్ స్కెచ్ వేసిన ఫ్యామిలీ అడ్డంగా బుక్ అయింది.