ఆంధ్రప్రదేశ్ విద్యావ్యవస్థలో నాణ్యతను పెంచడంతో పాటు ప్రభుత్వ పరిపాలనను మరింత సమర్థవంతంగా తీర్చిదిద్దేందుకు రాష్ట్ర ప్రభుత్వం కీలక చర్యలు చేపడుతోంది. ఇందులో భాగంగా సింగపూర్ ప్రభుత్వ సహకారంతో విద్యాశాఖలో అమలు చేస్తున్న సామర్థ్యాల పెంపు కార్యక్రమాలను మరిన్ని రంగాలకు విస్తరించాలని రాష్ట్ర విద్య, ఐటీ, ఎలక్ట్రానిక్స్, ఆర్టీజీఎస్ శాఖల మంత్రి నారా లోకేష్ కోరారు.. అమరావతి, నవంబర్ 12: ఉపాధ్యాయులకు ఆధునిక బోధనా పద్ధతుల్లో శిక్షణ ఇవ్వడంతో పాటు ప్రభుత్వ ఉన్నతాధికారులకు నాయకత్వ లక్షణాలు, డిజిటల్ గవర్నెన్స్, నైపుణ్యాభివృద్ధి అంశాల్లో సింగపూర్ అనుభవాన్ని వినియోగించుకోవాలని సూచించారు.