ములుగు అంటేనే ప్రకృతి అందాల హరివిల్లు. పచ్చని అడవుల పొదరిల్లు. పర్యాటకులకు స్వర్గధామం. యునెస్కో గుర్తింపు, ప్రపంచ ఖ్యాతి గాంచిన రామప్ప ఆలయం ఆధ్యాత్మిక నిలయం. ములుగు, న్యూస్టుడే: ములుగు అంటేనే ప్రకృతి అందాల హరివిల్లు. ఎన్నో ప్రత్యేకతలు కలిగిన జిల్లాకు పర్యాటక గ్రామం మరో మణిహారంగా మారనుంది. సకల సదుపాయాలతో పర్యాటకుల మది దోచేలా నిర్మాణాలు చేపట్టారు. రాష్ట్రాలకు కేంద్ర ప్రభుత్వం అందిస్తున్న ప్రత్యేక మూలధన పెట్టుబడి సహాయ పథకం కింద ములుగు జిల్లాలోని రామప్ప ప్రాంత స్థిరమైన పర్యాటక సర్క్యూట్లో భాగంగా ఇంచెర్ల గ్రామ శివారులో పర్యావరణ పర్యాటక గ్రామం ఏర్పాటవుతోంది.