విశాఖపట్నం పోర్టు క్రూయిజ్ టెర్మినల్ సమీపాన నూతనంగా నిర్మించిన ప్రొమెనేడ్ (విహారబాట/నడకబాట)ను కేంద్ర పోర్టులు, షిప్పింగ్, జల రవాణా శాఖల మంత్రి శర్బానంద సోనోవాల్ బుధవారం విశాఖ ప్రజలకు అంకితం చేశారు. పోర్టుకు వచ్చే నౌకల రాకపోకలు ప్రజలు వీక్షించేందుకు వీలుగా పార్కు తరహాలో 5.5 ఎకరాల విస్తీర్ణంలో 710 మీటర్ల పొడవున రూ.19 కోట్లతో ప్రొమెనేడ్ను ఇటీవల పోర్టు నిర్మించిన సంగతి తెలిసిందే. దీనిని కేంద్ర మంత్రి చేతుల మీదుగా ప్రారంభింపజేశారు. గురువారం నుంచి ప్రజలను అనుమతించనున్నారు.