ఎల్నీనో కరువు పరిస్థితులను తట్టుకుని.. రైతులకు వ్యవసాయానికి కావాల్సిన నీటిని అందించేందుకు రాష్ట్రంలోని ఎత్తిపోతల పథకాల పునరుద్దరణకు ఏపీ ప్రభుత్వం నడుకట్టింది. వచ్చే జూన్ నాటికి రాష్ట్రంలోని పెండింగ్లో ఉన్న ఎత్తిపోతల పథకాలను పూర్తి చేసి వాటి ద్వారా సాగు నీరు అందించాలని అధికారులకు కీలక ఆదేశాలు జారీ చేశారు. మేరకు అవసరమైన నిధులను విడుదల చేసేందుకు ప్రభుత్వం సిద్ధంగా ఉందన్నారు. రాష్ట్రంలో పెండింగ్లో ఉన్న ఎత్తిపోతల పథకాలను పూర్తిస్థాయిలో పునరుద్ధరించి జూన్ నాటికి వాటి ద్వారా నీరు విడుదల చేసేలా కార్యాచరణ చేపట్టాలని అధికారులకు సీఎం చంద్రబాబు కీలక ఆదేశాలు జారీ చేశారు.