నాన్వెజ్ ప్రియులకు చికెన్, మటన్ వంటకాలంటే ఎంతో ఇష్టం. అయితే ఎప్పుడూ అవే వంటకాలు కాకుండా కాస్త వెరైటీగా ఏదైనా తినాలనుకుంటే పల్లెటూరి స్టైల్లో తయారుచేసే బ్లాక్ కర్రీ ఫ్రై ప్రయత్నించవచ్చు. ముఖ్యంగా మేక రక్తంతో తయారుచేసే ఈ వంటకం గ్రామీణ ప్రాంతాల్లో ప్రత్యేకమైన వంటకంగా ప్రసిద్ధి చెందింది. మసాలాలు, మిరపకాయలు, మిరియాల ఘాటు కలిసినప్పుడు దీనికి ప్రత్యేకమైన రుచి వస్తుంది. సాధారణంగా ఈ వంటకం తయారీ విధానం గురించి చాలామందికి తెలియదు. కానీ కొన్ని మసాలా దినుసులతో ఇంట్లోనే దీన్ని సిద్ధం చేసుకోవచ్చు. వేడివేడి అన్నం, రసం అన్నం, ఇడ్లీ, దోశతో కలిపి తింటే మంచి కాంబినేషన్గా ఉంటుంది.