భగిని హస్త భోజన పర్వదినాన్ని పురస్కరించుకొని గురువారం విజయవాడలోని ఇంద్రకీలాద్రిపై కొలువైన జగన్మాత దుర్గమ్మ గాజుల అలంకారంలో దర్శనమిచ్చారు. మూలవిరాట్తో పాటు మల్లికార్జున మహామండపం ఆరో అంతస్తులో ఉత్సవమూర్తికి గాజులతో విశేష అలంకరణ చేశారు. ఇంద్రకీలాద్రి, న్యూస్టుడే : భగిని హస్త భోజన పర్వదినాన్ని పురస్కరించుకొని గురువారం విజయవాడలోని ఇంద్రకీలాద్రిపై కొలువైన జగన్మాత దుర్గమ్మ గాజుల అలంకారంలో దర్శనమిచ్చారు. దాతలు అందజేసిన 4,31,932 గాజులను ఇందుకు వినియోగించారు. 300 మంది సేవా సిబ్బంది రెండు రోజుల పాటు శ్రమించి దండలుగా కట్టారు. వీటితో పాటు అదనంగా చెన్నై, ముంబయి, బెంగళూరు నుంచి తీసుకొచ్చిన ప్రత్యేక గాజులను అలంకరణకు వాడారు.