పశ్చిమ బెంగాల్లోని కోల్కతా నేతాజీ సుభాష్ చంద్రబోస్ అంతర్జాతీయ విమానాశ్రయంలో బుధవారం ఉదయం తీవ్ర కలకలం రేగింది. ముంబైకి బయలుదేరాల్సిన ఎయిర్ ఇండియా విమానానికి హైజాకింగ్ బెదిరింపు రావడంతో విమానాశ్రయ భద్రతా సిబ్బంది అప్రమత్తమయ్యారు. విమానం టేకాఫ్ కావడానికి సిద్ధమవుతున్న సమయంలో ఈ ఘటన వెలుగులోకి వచ్చింది. ముంబై వెళ్లేందుకు సిద్ధంగా ఉన్న ఎయిర్ ఇండియా విమానంలోని టాయిలెట్ను తనిఖీ చేస్తున్న సమయంలో అద్దంపై హైజాకింగ్కు సంబంధించిన బెదిరింపు సందేశం రాసి ఉన్నట్లు గుర్తించారు. ఈ విషయాన్ని గమనించిన పైలట్ వెంటనే ఎయిర్ ట్రాఫిక్ కంట్రోల్ (ATC) అధికారులకు సమాచారం అందించారు.