Bharat Summit 2026: హైదరాబాద్ నగరంలో ఈ నెల 13, 14 తేదీల్లో నిర్వహించనున్న ప్రతిష్ఠాత్మక 'భారత్ సమ్మిట్-2026'కు సన్నాహాలు శరవేగంగా జరుగుతున్నాయి. ముఖ్యమంత్రి రేవంత్ రెడ్డి నాయకత్వంలో తెలంగాణ ప్రభుత్వం ఈ సమ్మిట్ను అత్యంత ప్రతిష్ఠాత్మకంగా నిర్వహిస్తోందని డిప్యూటీ సీఎం మల్లు భట్టి విక్రమార్క తెలిపారు. ప్రపంచవ్యాప్తంగా విద్వేష రాజకీయాలు, సామాజిక విభజన పెరుగుతున్న తరుణంలో ప్రజాస్వామ్యవాదులు, ప్రగతిశీల భావాలు కలిగిన వారిని ఒకే వేదికపైకి తెచ్చి నూతన దిశానిర్దేశం చేయడమే ఈ సమ్మిట్ ప్రధాన లక్ష్యం. ఈ కార్యక్రమానికి 70కి పైగా దేశాల నుంచి 1,000 మందికి పైగా ప్రజాప్రతినిధులు, విధాన రూపకర్తలు, మేధావులు హాజరుకానున్నారు.