સુરતમાં વાલીઓની બેદરકારીનો ચોંકાવનારો કિસ્સો સામે આવ્યો છે. ચાલુ લક્ઝરી બસમાંથી એક નાનું બાળક નીચે પટકાયું હતું. સદનસીબે બસચાલકની સમયસૂચકતાને કારણે બાળકનો આબાદ બચાવ થયો છે. ચાલુ લક્ઝરી બસમાં નાનું બાળક આગળની તરફ આવી ગયું હતું. આ દરમિયાન અચાનક બાળક બસમાંથી નીચે પટકાયું હતું. ઘટનાને પગલે બસમાં અફરાતફરીનો માહોલ સર્જાયો હતો. જોકે, બસચાલકે સમયસર બસ રોકી બાળકને તાત્કાલિક ઉંચકી લીધું હતું.