रिझर्व्ह बँकेची 'मॉनेटरी पॉलिसी कमिटी' डिसेंबरमध्ये बैठक घेणार आहे. त्याआधी किरकोळ महागाईची आकडेवारी जाहीर होईल. डिसेंबरमध्ये नेमकं काय काय घडणार याचा अंदाज जाणून घ्या. महागाईमुळे आधीच सर्वसामान्य माणूस हैराण झाला आहे. आता पुढील महिन्यात सर्वसामान्यांवरील आर्थिक भार पुन्हा एकदा वाढू शकतो. कारण कांद्याचे भाव जवळपास १०० टक्क्यांनी वाढले आहेत, तर कडधान्ये, तांदूळ आणि दुधाच्या किमतीही वर सरकल्या आहेत. त्यातच 'एल निनो'चे संकट परिस्थिती अधिकच गंभीर करत आहे.