India Air Pollution : देशातील वायू प्रदूषणाची परिस्थिती दिवसेंदिवस गंभीर होत चालली आहे. जगभरातील १०० सर्वात प्रदूषित शहरांच्या यादीत तब्बल ९१ शहरे एकट्या भारतात. रिअल-टाइम हवेची गुणवत्ता आणि प्रदूषण पातळीची नोंद ठेवणाऱ्या 'AQI.in' या संकेतस्थळाच्या आकडेवारीनुसार, मंगळवारी (दि.११) संध्याकाळी ७ वाजता पंजाबमधील फरीदकोट हे जगातील सर्वात प्रदूषित शहर ठरले. येथे हवेचा गुणवत्ता निर्देशांक (AQI) ६०५ नोंदवला गेला. या यादीत पाकिस्तानमधील तीन तर चीनमधील सहा शहरांचा समावेश आहे..