ఉమ్మడి చిత్తూరు జిల్లాలో తిరుపతి- చెన్నై జాతీయ రహదారి పనులు అసంపూర్తిగా వదిలేయడంతో ట్రాఫిక్ సమస్యలు ఎక్కువవుతున్నాయి. పుత్తూరు, న్యూస్టుడే: ఉమ్మడి చిత్తూరు జిల్లాలో తిరుపతి- చెన్నై జాతీయ రహదారి పనులు అసంపూర్తిగా వదిలేయడంతో ట్రాఫిక్ సమస్యలు ఎక్కువవుతున్నాయి. ఈ మార్గంలో తిరుపతి వేంకటేశ్వర స్వామిని దర్శనానికి వేల సంఖ్యలో భక్తులు కుటుంబాలతో సహా వస్తుంటారు. రోడ్డు ఎగుడుదిగుడుగా ఉండటంతో నడుములు విరుగుతున్నాయని ప్రయాణికులు వాపోతున్నారు. సబ్ కాంట్రాక్టులు ఇవ్వడంతో..: పనులు దక్కించుకున్న ప్రధాన గుత్తేదారు తిరుపతి- చెన్నై జాతీయ రహదారి పనులను సబ్ కాంట్రాక్టర్లకు అప్పగించారు. దీంతో అనుకున్న మేరకు పనులు సాగకపోవడంతో ప్రజలకు అవస్థలు తప్పడం లేదు.