తెలుగు రాష్ట్రాల్లో భిన్న వాతావరణ పరిస్థితులు నెలకొన్నాయి. నవంబర్ 13న ఆగ్నేయ బంగాళాఖాతంలో అల్పపీడనం ఏర్పడే అవకాశం ఉండటంతో ఏపీలోని దక్షిణ కోస్తా, రాయలసీమలో వర్షాలు కురిసే సూచనలున్నాయి. మరోవైపు తెలంగాణలో చలి తీవ్రత పెరుగుతోంది. ఆదిలాబాద్ జిల్లా నేరేడుగొండలో కనిష్ట ఉష్ణోగ్రత 14.7 డిగ్రీల సెల్సియస్గా నమోదైంది. బంగాళాఖాతంలో మరో అల్పపీడనం ఏర్పడే అవకాశం ఉండటంతో పాటు, కొన్ని ప్రాంతాల్లో భారీ నుంచి అతి భారీ వర్షాలు కురిసే సూచనలు స్పష్టంగా కనిపిస్తున్నాయి.