చిన్న ఆసక్తి.. జీవితంలో పెద్ద లక్ష్యాన్ని చేరుకోవడానికి దారి చూపించింది. తన సృజనాత్మక ఆలోచనకు జీవం పోస్తూ యానిమేషన్ రంగంలో రాణిస్తున్నారు హనుమకొండకు చెందిన యువకుడు మణికంఠేశ్. కొవిడ్ కాలంలో సమయం వృథా కాకుండా ఉండేందుకు నేర్చుకున్న వీడియో ఎడిటింగ్కు నూతన సాంకేతికతను జోడించి జాతీయ, అంతర్జాతీయ స్థాయిలో వచ్చిన అవకాశాలను అందిపుచ్చుకున్నాడు. ఈ నెల 5న విడుదలైన బాలీవుడ్ రామాయణ చిత్రంలో క్రియేటివ్ టెక్నాలజీ ఆర్టిస్టు విభాగంలో సేవలందించి తనకంటూ గుర్తింపు తెచ్చుకున్నాడు. అల్లాపురం మణికంఠేశ్ ఆరో తరగతిలో ‘ఆపరేషన్ కిడ్నాప్’ చిత్రంలో హీరో పాత్రకు బాలనటుడిగా నటించారు.