పాలమూరు ప్రజల ఇలవేల్పు దైవం.. పేదల తిరుపతిగా పేరుగాంచిన కురుమూర్తి స్వామి బ్రహ్మోత్సవాలు ప్రారంభమయ్యాయి. కార్తీకమాసం వేళ ఏడు కొండల మధ్య కొలువైన ఆ స్వామిని దర్శించుకునేందుకు భక్తులు సిద్ధమయ్యారు. స్వామివారి కల్యాణోత్సవంతో జాతరలో ఆధ్యాత్మిక సందడి మొదలైంది. ఇక గోవింద నామస్మరణతో కురుమూర్తి కొండలు మారుమోగనున్నాయి. ఈ నెల 25వ తేదీ వరకు బ్రహ్మోత్సవాలు జరగనుండగా.. జాతర మాత్రం సుమారు నెలన్నర పాటు కొనసాగనుంది.