బల్గేరియాలో ఘోర ప్రమాదం చోటుచేసుకుంది. రోడ్డుపై దట్టమైన పొగమంచుతో ఎదురుగా ఏ వాహనం వస్తుందో కూడా తెలియని పరిస్థితి. ఇంతలో ఓ బస్సు, ట్రక్కు ఒక్కసారిగా ఢీకొన్నాయి. ఆ తర్వాత పరిణామాలు భయానకంగా మారాయి. వెనుక వస్తున్న వాహనాలు బ్రేకులు వేసేలోపే ఒకదానికొకటి బలంగా ఢీకొట్టాయి. కార్లు, లారీలు, బస్సులు ఇలా వరుసగా ప్రమాదంలో చిక్కుకున్నాయి. కొన్ని వాహనాలు నుజ్జునుజ్జు కాగా మరికొన్ని బోల్తా పడ్డాయి. ఆరు లేన్ల రహదారి క్షణాల్లోనే వాహనాల శిథిలాలతో నిండిపోయింది. సుమారు 50 వాహనాలు చిక్కుకున్న ఈ భీకర ప్రమాదంలో 11 మంది ప్రాణాలు కోల్పోగా మరో 50 మంది గాయపడ్డారు.