2026 నవంబర్ 13న ప్రపంచం అంతం కాబోతోందంటూ 66 ఏళ్ల క్రితం ప్రముఖ సైన్స్ జర్నల్లో ప్రచురితమైన పరిశోధనా కథనం ఇప్పుడు చర్చకు వచ్చింది. ఆ కథనాన్ని రాసింది జ్యోతిష్యులు కాదు.. భవిష్యత్తును అంచనా వేసే వ్యక్తులూ కాదు.. ఏకంగా శాస్త్రవేత్తలు! అప్పట్లో వారు వేసిన లెక్కల ప్రకారం 2026 నాటికి ప్రపంచ జనాభా అపరిమితంగా పెరిగిపోయి.. మనుషులు ఒకరిపై ఒకరు ఒత్తిడికి గురై నలిగిపోయే పరిస్థితి వస్తుందని హెచ్చరించారు. మరి ఆ అంచనా నిజమవుతుందా? నవంబర్ 13న ఏదైనా ప్రమాదం జరగబోతోందా? అసలు 1960లో శాస్త్రవేత్తలు ఏం లెక్కలు వేశారు? ఈ ఆసక్తికర కథ వెనుక అసలు విషయం తెలుసుకుందాం.