1500 ஆண்டுகள் பழமையான கோயிலுக்குள் செருப்புடன் சென்ற அமைச்சரில் செயல் சர்ச்சையை ஏற்படுத்தியுள்ளது. கரூரில் 1500 ஆண்டுகள் பழமையான அகஸ்தீஸ்வரர் கோவிலில் ஆய்வு மேற்கொண்ட சுற்றுலாத்துறை அமைச்சர் ராஜேஷ் குமார் செருப்பு அணிந்து கோவில் வளாகத்திற்குள் சென்றது சர்ச்சையை ஏற்படுத்தியுள்ளது. கரூர் மாவட்டம் திருமுக்கூடலூர் காவிரி ஆற்றில் படகு இல்லம் அமைப்பது தொடர்பாக சுற்றுலாத்துறை அமைச்சர் ராஜேஷ்குமார், மாவட்ட ஆட்சியர் பிரசன்னா ராமசாமி, கரூர் நாடாளுமன்ற உறுப்பினர் ஜோதிமணி, கிருஷ்ணராயபுரம் சட்டமன்ற உறுப்பினர் சத்யா உள்ளிட்டோர் ஆய்வு மேற்கொண்டனர்.