Why Does Wine Always Come in Bottles: वाइनच्या बाटलीचा आकारच नाही तर पॅकिंगमागेही विज्ञान आहे. बिअरप्रमाणे वाइन कॅनमध्ये विकली जात नाही. वाइन पारंपरिकपणे काचेच्या बाटल्यांमध्ये विकली जाते, तर बीअर सामान्यतः ॲल्युमिनियमच्या कॅनमध्ये आढळते. याचे मुख्य कारण वाइनच्या रासायनिक रचनेतील फरक आहे. वाइन आम्लधर्मी असते आणि त्यात सल्फर डायऑक्साइड असतो, जो नैसर्गिकरित्या आढळतो आणि संरक्षक म्हणून वापरला जातो. जेव्हा वाईन ॲल्युमिनियमच्या थेट संपर्कात येते, तेव्हा रासायनिक अभिक्रियेमुळे हायड्रोजन सल्फाइड वायू तयार होऊ शकतो.