फटाके वाजवण्याच्या सूचनेनंतर शेजारील शेताला आग; सहा ते आठ लाखांचे नुकसान झाल्याचा प्राथमिक अंदाज. फलटण - तडवळे येथे ऊसाच्या शेतात बिबट्या शिरल्याचे निदर्शनास आल्यानंतर वन विभागाच्या सूचनेनुसार फटाके वाजवण्यात आले. मात्र, या फटाक्यांमधून उडालेल्या ठिणग्यांमुळे शेजारील ऊसाच्या शेताला आग लागून तब्बल आठ एकर ऊस जळून खाक झाला. वन्यप्राण्यांपासून नागरिकांचे संरक्षण करण्यासाठी राबवण्यात येणाऱ्या उपाययोजनांमुळेच शेतकऱ्यांचे मोठे आर्थिक नुकसान झाल्याची घटना घडली असून, या प्रकारामुळे वन विभागाच्या कार्यपद्धतीवर प्रश्नचिन्ह निर्माण झाले आहे.