मान्सूनचं आगमन नेमकं कधी झालं, हे ओळखण्यासाठी आयआयटी मद्रास आणि गुवाहाटी विद्यापीठाच्या संशोधकांनी नवी पद्धत विकसित केली आहे. 84 वर्षांच्या पावसाच्या आकडेवारीच्या अभ्यासातून काय समोर आलं? भारत हा शेतीप्रधान देश असल्याने देशातील शेतकऱ्यांसाठी मान्सूनचा अंदाज अत्यंत महत्त्वाचा असतो. पावसाचे आगमन कधी होणार, तो किती काळ सक्रिय राहणार आणि कोणत्या भागात किती पाऊस पडणार, यावर शेतीचे नियोजन अवलंबून असते. हवामान विभागाकडून दरवर्षी मान्सूनचे अंदाज जाहीर केले जातात.