ముచ్చింతల్లో శ్రీ చిన్న జీయర్ స్వామి 70వ తిరునక్షత్ర మహోత్సవాల్లో భాగంగా నాలుగు ఆధ్యాత్మిక గ్రంథాలను ఆవిష్కరించారు. జీవా వైదిక సంశోధన ప్రకాశన విభాగం ఆధ్వర్యంలో డాక్టర్ సముద్రాల రంగరామానుజాచార్య రచించిన పుస్తకాలను స్వామీజీ విడుదల చేశారు. ఈ సందర్భంగా గ్రంథాలే సమాజానికి, ధర్మానికి నిజమైన రక్షకులని పేర్కొన్నారు. ప్రామాణికమైన పండితుల ద్వారా శాస్త్రీయ గ్రంథాల సారాన్ని తెలుసుకోవాలని సూచించారు. రంగారెడ్డి జిల్లా, ముచ్చింతల్: యతీంద్ర సప్తతి వేడుకల్లో భాగంగా శ్రీ చిన్న జీయర్ స్వామి 70వ తిరునక్షత్ర మహోత్సవాల మూడో రోజు గ్రంథావిష్కరణ కార్యక్రమం ఘనంగా నిర్వహించారు. వ్యక్తుల కంటే గ్రంథాలే సమాజానికి, ధర్మానికి నిజమైన రక్షకులని అన్నారు.